Ամերիկացի ռեփեր Ֆրենչ Մոնտանան նշանադրվել է Դուբայի արքայադստեր հետ

Ամերիկացի ռեփեր Ֆրենչ Մոնտանան պատրաստվում է ամուսնանալ Դուբայի արքայադստեր հետ։ Արտիստի ներկայացուցիչները TMZ-ին պատմել են երաժշտի և Շեյխա Մահրա Մոհամմեդ Ռաշեդ ալ Մաքթումի նշանադրության մասին։

40-ամյա Ֆրենչ Մոնտանան 31-ամյա արքայադստերը ամուսնության առաջարկ է արել այս տարվա հունիսին՝ Փարիզի նորաձևության շաբաթվա ընթացքում։ Երաժշտի և Դուբայի էմիրի դստեր հարաբերությունները սկսվել են 2024 թվականի հոկտեմբերին։

Զույգը երկար ժամանակ թաքցրել է իրենց սիրավեպը հանրությունից, բայց այս ամառ լրագրողները սկսել են նկատել սիրահարներին միասին տարբեր միջոցառումների ժամանակ։

Ռեփերի հետ ամուսնությունը արքայադստեր համար երկրորդը կլինի. Շեյխա Մահրան նախկինում ամուսնացած է եղել Շեյխ Մանա բին Մուհամմադ իբն Ռաշիդ իբն Մանա ալ Մաքթումի հետ։ Նորապսակները ամուսնացել էին 2023 թվականի ապրիլին, մեկ տարի անց նրանք դուստր են ունեցել, սակայն 2024 թվականի հուլիսին հայտարարել են ամուսնալուծության մասին։