Այս տարի Գեղարքունիքի մարզից բուհ է ընդունվել 586 դիմորդ

2025-2026 ուստարում Գեղարքունիքի մարզից բուհ է ընդունվել հանրակրթական դպրոցների 586 շրջանավարտ։ 

ՀՀ բուհերի ընդունելության մրցույթի հիմնական փուլին միասնական և ներբուհական քննություններով մասնակցելու հայտ է ներկայացրել նրանցից 877-ը։ Առանց բուհ և մասնագիտություն նշելու միասնական քննություններ է հայտագրել 20 դիմորդ։ 

Մրցույթի հիմնական փուլում ընդունվել է մասնագիտություն հայտագրած դիմորդներից 509-ը կամ 58 տոկոսը: Մրցույթի լրացուցիչ փուլում հայտագրվել է դրական միավորներով մրցույթից դուրս մնացած 94 դիմորդ, որոնցից բուհ է ընդունվել 77-ը։ 

Մրցույթի հիմնական և լրացուցիչ փուլերի հանրագումարում Գեղարքունիքի մարզից Հայաստանի Հանրապետության բուհեր է ընդունվել 586 դիմորդ կամ դիմորդների ընդհանուր 66,8 տոկոսը, որոնցից 82-ը կամ 14 տոկոսը՝ ընդհանուր մրցույթով։ Անվճար հիմունքներով ընդունվել է 75 դիմորդ։ 

Բուհ ընդունված 586 դիմորդներից 125-ը կուսանեն Երևանի պետական համալսարանում, 66-ը՝ Հայաստանի ագրարային, 65-ը՝ Հայաստանի տնտեսագիտական, 55-ը՝ Երևանի  պետական մանկավարժական, 71-ը՝ Բրյուսովի անվան պետական, 50-ը՝ Գավառի պետական, 39-ը՝ Մ․ Հերացու անվան պետական բժշկական, 39-ը՝ Ճարտարապետության և շինարարության Հայաստանի ազգային, 26-ը՝ Հայ-ռուսական համալսարաններում, 16-ը՝ Հայաստանի Ֆիզիկական կուլտուրայի և սպորտի պետական ինստիտուտում։ 

Եվս 4 ուսանող կսովորի  Եվրոպական համալսարանում, 3-ական՝ Եվրասիական միջազգային, Մ․ Մաշտոցի անվան համալսարաններում և ԵՊՀ Իջևանի մասնաճյուղում։