Իսրայելը Գազա քաղաքը հայտարարել է «վտանգավոր պատերազմական գոտի»

Իսրայելի պաշտպանության ուժերը Գազա քաղաքը հայտարարել են «վտանգավոր պատերազմական գոտի» և վերացրել են քաղաքում տեղական մարտավարական հրադադարը, հաղորդում է ՌԻԱ Նովոստին։

Ավելի վաղ Իսրայելի կառավարությունը օգոստոսի 31-ին նշանակել էր Գազայի գրավման գործողության վերաբերյալ օպերատիվ ծրագրերի քննարկում։

Նշվում է, որ օգոստոսի 26-ին այս հարցի վերաբերյալ տեղի է ունեցել կաբինետի նիստ։ Այն տևել է մոտ 3 ժամ, և Գազայում գործողությունը օրակարգում առանձին չի նշվել։