Հնդկաստանը կտրուկ ավելացրել է ռուսական պարարտանյութերի ներկրումը

2025-ի հունվար-հունիս ամիսներին Հնդկաստանը Ռուսաստանից ներմուծել է 2,5 միլիոն տոննա պարարտանյութ, ինչը 20 տոկոսով ավելի է, քան նախորդ տարվա նույն ցուցանիշը։ Ինչպես հայտարարեց Ռուսաստանի պարարտանյութ արտադրողների ասոցիացիայի ղեկավար Անդրեյ Գուրևը, այժմ Հնդկաստանի յուրաքանչյուր երրորդ տոննա ներմուծվող պարարտանյութ ռուսական ծագում ունի։

Աճի հիմնական մասը ապահովվել է ֆոսֆոր պարունակող պարարտանյութերի մատակարարումների ավելացմամբ։ ՌԱՊՈւ-ում ընդգծել են, որ արևմտյան պատժամիջոցներից հետո Հնդկաստանը դարձել է ռուսական այս ապրանքի ամենաարագ աճող գնորդը։

Ըստ փոխվարչապետ Դենիս Մանտուրովի, վերջին հինգ տարում ռուս-հնդկական առևտրաշրջանառությունը գրեթե յոթ անգամ աճել է։ Այսպիսով, Հնդկաստանը մտել է Ռուսաստանի խոշորագույն արտաքին առևտրային գործընկերների շարքը, իսկ Եվրոպայում նույնպես ռուսական պարարտանյութերի եկամուտները հասել են վերջին երեքուկես տարվա առավելագույն մակարդակին։