Սիրավեպ ադրբեջանցու հետ.Հայաստանի հյուպատոսը կասկածվում է լրտեսության մեջ

Ավստրիայում Հայաստանի հյուպատոս Աշխեն Ալեքսանյանը ավելի քան մեկ ամիս առաջ ձերբակալվել է Երևանի օդանավակայանում՝ լրտեսության կասկածանքով։ Ինչպես հայտնում է Minval-ը, դիվանագետը սիրային հարաբերությունների մեջ է եղել Ադրբեջանի քաղաքացու հետ, ինչն էլ քննիչների գնահատմամբ առաջացրել է վտանգավոր կասկածներ։

Քննության տվյալներով՝ Ալեքսանյանը, ունենալով հասանելիություն կարևոր պետական տեղեկատվությանը, կարող էր այն փոխանցել իր կապերի միջոցով։ Նա բերման է ենթարկվել այն պահին, երբ փորձում էր մեկնել Վիեննա։

Աշխեն Ալեքսանյանի ձերբակալության մասին ԱԱԾ-ն հայտնել էր օգոստոսի 29-ին։ Նրա մոտ հայտնաբերված փաստաթղթերը դարձել են լրտեսության կասկածների հիմք։ Գործի մանրամասները ներկայումս շարունակում են քննվել։