Մահացել է կոմպոզիտոր Ռոդիոն Շչեդրինը

92 տարեկանում մահացել է խորհրդային և ռուս կոմպոզիտոր Ռոդիոն Շչեդրինը։ Այս մասին «ՌԻԱ Նովոստի»-ին հայտնել են Մեծ թատրոնի մամուլի ծառայությունից։

Շչեդրինի ամենահայտնի ստեղծագործություններից են Առաջին սիմֆոնիան (1958), «Փոքրիկ կուզիկ ձի» բալետը (1960), «Կարմեն սյուիտ» բալետը (1967), «Ոչ միայն սեր» օպերան (1961), «Օզորնիե չաստուշկի» նվագախմբի համար համերգների շարքը (1963) և «Զանգեր» (1968), «Պոետորիա» օրատորիաները (հիմնված բանաստեղծ Անդրեյ Վոզնեսենսկու բանաստեղծությունների վրա, 1968) և «Լենինը ժողովրդի սրտում» (1969)։