Հունգարիան արգելափակում է Ուկրաինայի համար 6.6 միլիարդ եվրոյի զենքի գնումը
Աշխարհ
Հունգարիան շարունակում է արգելափակել Եվրոպական խաղաղության հիմնադրամի 6,6 միլիարդ եվրոն, որը կարող է օգտագործվել Կիևի համար ԱՄՆ-ից զենք գնելու ժամանակ, մամուլի ասուլիսում հայտարարել է ԵՄ դիվանագիտության ղեկավար Կայա Կալլասը։
«Եվրոպական խաղաղության հիմնադրամում 6.6 միլիարդ եվրո է մնում արգելափակված, որը կարող է նաև օգտագործվել ԱՄՆ-ից զենք գնելու և այնուհետև Ուկրաինա մատակարարելու համար։ Մենք կարծում ենք, որ նման արգելափակումն անհիմն է», - ասել է Կալլասը։
Հիշեցնենք, որ Ռուսաստանի արտաքին գործերի նախարար Սերգեյ Լավրովը նշել է, որ Ուկրաինայի համար զենք պարունակող ցանկացած բեռ կդառնա Ռուսաստանի Դաշնության օրինական թիրախը։
Նախարարությունը շեշտել է, որ ՆԱՏՕ-ի անդամ պետությունները «կրակի հետ են խաղում»՝ Կիևին զենք մատակարարելով։ Կրեմլը ընդգծել է, որ Արևմուտքի կողմից Կիևի ռեժիմին զենք մատակարարելը չի նպաստում ռուս-ուկրաինական բանակցությունների հաջողությանը և կունենա բացասական ազդեցություն։
Լավրովը նաև նշել է, որ Միացյալ Նահանգները և ՆԱՏՕ-ն անմիջականորեն ներգրավված են Ուկրաինայի հակամարտության մեջ։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
