Լուկաշենկոն կոչ է անում ՇՀԿ-ին ստեղծել սեփական արժույթ
Աշխարհ
Շանհայի համագործակցության կազմակերպությունը (ՇՀԿ) պետք է ստեղծի իր սեփական արժույթը միջազգային հաշվարկների համար, հայտարարել է Բելառուսի նախագահ Ալեքսանդր Լուկաշենկոն China Media Corporation-ին տված հարցազրույցում, որի տեսանյութը հրապարակել է պետական Belta գործակալությունը։
«Հանդիպումներից մեկի ժամանակ ես մեր գործընկերներին հանդիմանեցի, որ մենք չափազանց դանդաղ ենք գործում։ Հնարավոր է՝ ժամանակն էր ստեղծել մեր սեփական արժույթը միջազգային հաշվարկների համար։ Հնարավոր է՝ դա լինի յուանը, հնարավոր է՝ որևէ այլ ընդհանուր արժույթ», - ասել է Լուկաշենկոն։
Միևնույն ժամանակ, Բելառուսի նախագահն ասել է, որ Շանհայի համագործակցության կազմակերպությունը զարգանում է մանրակրկիտ և հանգիստ։
«Միգուցե մենք պետք է սովորենք զարգանալ չինական ձևով՝ հանգիստ և վստահ։ Այդպես առաջ կգնանք», - ասել է Լուկաշենկոն։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
