Ռուսաստանը և Չինաստանը համատեղ հանդես են գալիս արդար աշխարհակարգի օգտին. Պուտին

Ռուսաստանի նախագահ Վլադիմիր Պուտինը չինական Xinhua լրատվական գործակալությանը տված հարցազրույցում հայտարարել է, որ Ռուսաստանը և Չինաստանը կողմ են արդար աշխարհակարգին։ Հարցազրույցի տեքստը հրապարակվել է Կրեմլի պաշտոնական կայքում։

«Մենք նույն ուղղությամբ ենք նայում արդար, բազմաբևեռ աշխարհակարգի խթանման առումով», - նշել է Պուտինը։

Նա հավելել է, որ այս հարցում և՛ Ռուսաստանը, և՛ Չինաստանը կցանկանային հույսը դնել համաշխարհային մեծամասնություն կազմող երկրների վրա։