Պուտինը հայտարարել է ճապոնական միլիտարիզմի վերածննդի և Եվրոպայի վերառազմականացման մասին

Ճապոնիան և Եվրոպան ամրապնդում են իրենց ռազմական հզորությունը՝ Մոսկվայի և Պեկինի կողմից հնչող մտացածին սպառնալիքների պատրվակով։ Այս մասին հայտարարել է Ռուսաստանի նախագահ Վլադիմիր Պուտինը չինական Xinhua լրատվական գործակալությանը տված հարցազրույցում։

«Ռուսական և չինական մտացածին սպառնալիքների պատրվակով վերածնվում է ճապոնական միլիտարիզմը, և Եվրոպայում, այդ թվում՝ Գերմանիայում, չամաչելով որևէ պատմական զուգահեռից, նրանք մայրցամաքի վերազինման ուղի են ընտրում», - նշել է պետության ղեկավարը։