Ինդոնեզիայում բողոքի ցույցերի հետևանքով՝ ենթակառուցվածքները լուրջ վնասներ են կրել
Աշխարհ
Ինդոնեզիայի մայրաքաղաք Ջակարտայում տեղի ունեցած անկարգությունները լուրջ վնաս են հասցրել ենթակառուցվածքներին, հաղորդում է ՌԻԱ Նովոստին։
Գործակալության տվյալներով՝ մեկ օր առաջ ցուցարարները հրդեհել են Ջակարտայի մի քանի մետրոյի կայարաններ, կոտրել վճարովի ճանապարհների տերմինալները և ոստիկանության դեմ կարգախոսներով ծածկել իշխանությունների հետ կապված ենթակառուցվածքների զգալի մասը։
Օգոստոսի 30-ին քաղաքում հասարակական տրանսպորտը մասամբ չի աշխատել։ Հաղորդվել է, որ իշխանությունները սկսել են վերականգնողական աշխատանքներ, և ռազմական տեխնիկան պարեկել է քաղաքում՝ անկարգությունների դեմ պայքարելու համար։
Օգոստոսի 28-ին Ջակարտայի փողոցներ են դուրս եկել հազարավոր ինդոնեզացի աշխատողներ՝ զանգվածային բողոքի ցույցերի մասնակցելու համար։ Ցուցարարները քարեր են նետել և հրավառություն են արձակել, իսկ ոստիկանությունը պատասխանել է արցունքաբեր գազով։ Ցուցարարները պահանջել են աշխատանքային պայմանների բարելավում և աշխատավարձի բարձրացում, ինչպես նաև խորհրդարանի լուծարում։
Այն բանից հետո, երբ աշխատողները փորձել են դրուրավառ նյութերով հարվածել ոստիկաններին, իրավապահ մարմինների աշխատակիցները սկսել են հետ մղել ցուցարարներին՝ մի քանի անգամ արցունքաբեր գազ օգտագործելով։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
