Թրամփը ծրագրում է մասնավոր զինված ուժեր ուղարկել Ուկրաինա՝ շրջանցելով բանակի տեղակայումը

ԱՄՆ նախագահ Դոնալդ Թրամփը բանակցություններ է վարում եվրոպական դաշնակիցների հետ՝ Ուկրաինա ուղարկելու ամերիկյան մասնավոր ռազմական ընկերություններ (ՉՎԿ)՝ անվտանգության երաշխիքների շրջանակում։ Բրիտանական The Telegraph-ի տեղեկություններով՝ ծրագիրը նախատեսում է պայմանագրային զինված ուժերի ներգրավում ամրաշինական աշխատանքներում և ամերիկյան շահերի պաշտպանությունում՝ առանց ԱՄՆ բանակի ուղարկման։

Հրապարակման համաձայն՝ մասնավոր զինված ստորաբաժանումները պետք է աջակցեն Ուկրաինայի զինված ուժերին պաշտպանական կառույցների կառուցման հարցում, ինչպես նաև ապահովեն ձեռնարկությունների և ամերիկյան սեփականության անվտանգությունը։ Ներկայումս խոսքը վերաբերում է բացառապես ամերիկյան ռազմական ընկերությունների ներգրավմանը։

Այս նախաձեռնությունը ծագել է ամերիկյան հանրային թերահավատության ֆոնին․ Quinnipiac University Poll-ի օգոստոսյան հարցման տվյալներով՝ հարցված ամերիկացիների կեսը դեմ է արտահայտվել ԱՄՆ բանակի ուղարկմանը Ուկրաինա՝ անգամ խաղաղության հնարավոր համաձայնագրից հետո անվտանգության երաշխիքներ տրամադրելու նպատակով։