Ռուսաստանի զինված ուժերը վերահսկողության տակ են առել Կամիշևախան Դոնեցկի շրջանում

Ռուսաստանի Պաշտպանության նախարարությունը հայտնել է, որ «Վոստոկ» խմբավորման ստորաբաժանումները Դոնեցկի ժողովրդական հանրապետությունում վերցրել են վերահսկողության տակ Կամիշևախա բնակավայրը։ Նշվում է, որ ռուսական զորքերը հարվածներ են հասցրել Ուկրաինայի զինված ուժերի մեխանիզացված բրիգադներին, ծովային հետևակին և տարածքային պաշտպանության ստորաբաժանումներին Դնեպրոպետրովսկի մարզի մի շարք բնակավայրերում։

Ըստ նախարարության՝ ուկրաինական կողմը կրել է ավելի քան 250 զինծառայողի կորուստ, ինչպես նաև կորցրել է զրահապատ մարտական մեքենաներ, ավտոմեքենաներ և արևմտյան արտադրության դաշտային հրետանի։ Հարվածների հետևանքով ոչնչացվել է նաև զինամթերքի պահեստ։

Հիշեցնենք, որ օգոստոսի 30-ի լույս գիշերը ռուսական ուժերը իրականացրել էին համատեղ հրթիռա-դրոնային հարձակումներ Ուկրաինայի ռազմական և արդյունաբերական օբյեկտների ուղղությամբ՝ օգտագործելով ռազմավարական ավիացիա, փոխանցում է Лента.ру-ն։