Պատժամիջոցներ Իսրայելի՞ն․ Եվրոպան չի կարողանում խոսել միաձայն

Կոպենհագենում գումարված ԵՄ արտգործնախարարների ոչ պաշտոնական հանդիպման ընթացքում քննարկվել է Գազայի պատերազմին Իսրայելի գործողություններին արձագանքելու հնարավորությունը, սակայն 27 անդամ պետությունները մնում են բաժանված։ Իսպանիան, Իռլանդիան և մի քանի այլ երկրներ կոչ են անում կոշտ ճնշում գործադրել Իսրայելի վրա՝ ներառյալ պատժամիջոցներ և առևտրային համաձայնագրերի կասեցում, մինչդեռ Գերմանիան, Հունգարիան և մի շարք այլ երկրներ դեմ են նման քայլերին։ Դանիայի ԱԳ նախարարը հայտարարել է, որ ժամանակն է «բառերը վերածել պատժամիջոցների»։

ԵՄ-ում հակասությունները խորացել են Գազայի սովի վերաբերյալ ՄԱԿ-ի հետ համագործակցող IPC-ի զեկույցից հետո, որը Իսրայելը մերժել է՝ չնայած միջազգային ապացույցներին։ ԵՄ պաշտոնյաներ ընդգծում են, որ Եվրոպայի փողոցներում աճող ճնշումը ստիպում է վերանայել դիրքորոշումները՝ մարդու իրավունքների և միջազգային իրավունքի պաշտպանության հարցում։ ԵՄ մարդասիրական օգնության հանձնակատար Հադյա Լահբիբը հայտարարել է, որ «պատմությունը դատելու է մեր գործողությունները»։

Հանդիպման օրակարգում նաև Ուկրաինայի պատերազմն էր և ԵՄ-ում սառեցված ռուսական մոտ 210 միլիարդ եվրո ակտիվների ապագան։ Լեհաստանն ու Բալթյան երկրները կողմ են դրանց բռնագրավմանը Կիևին աջակցելու համար, սակայն Ֆրանսիան, Գերմանիան և Բելգիան՝ որոնք պահում են ակտիվների մեծ մասը, շարունակում են դիմադրել այդ առաջարկին։