Իսրայելն հրապարակել է հոկտեմբերի 7-ի հարձակման կադրերը

Իսրայելը տեսանյութ է հրապարակել ՀԱՄԱՍ-ի կողմից հոկտեմբերի 7-ին իրականացված հարձակման մասին՝ այն օրերին, երբ երկիրը բախվում է միջազգային ճնշման՝ Գազայի քաղաքում սպասվող լայնածավալ գործողությունների համար։ Կադրերում երևում է Տաասա ընտանիքի տունը Նեթիվ ՀաԱսարա համայնքում՝ Գազայի հյուսիսում, որտեղ հարձակման ժամանակ սպանվել էին ընտանիքի հայրը և ավագ որդին։

Տեսանյութում, որը վարչապետ Բենիամին Նեթանյահուի ուղերձից հետո ցուցադրվեց հանրությանը, երևում է, թե ինչպես է ՀԱՄԱՍ-ի զինյալը նռնակ նետում ապաստարան, իսկ հետո խոհանոցի ներսում արյան հետքերով շրջապատված փոքրիկ տղաներ աղաչում են ազատ արձակել իրենց։ «Խնդրում եմ, խնդրում եմ, թողեք տուն գնամ։ Իմ հայրիկը… իմ հայրիկը»,՝ ասում է տղան։ Զինյալը նրանց առաջարկում է հյութ կամ գինի, վերցնում է Կոկա-Կոլայի շիշ և դուրս գալիս սենյակից։

Տեսանյութի հրապարակումը, որը նախկինում ցուցադրվել էր միայն դիվանագետներին և լրագրողներին, զուգադիպեց ՄԱԿ-ի աջակցությամբ նախաձեռնված հայտարարությանը՝ Գազայի հյուսիսում սովի մասին։ Իսրայելը կադրերի տարածման համար ներքին լրատվամիջոցներին կոչ է արել հարգել ընտանիքի ցանկությունը և չցուցադրել դրանք երկրում, փոխանցում է CNNWorld-ը։