Մոսկվայում Թուրքիայի և Ռուսաստանի միջև բանակցություններ են ընթանում

Թուրքիայի փոխարտգործնախարար Ֆերիդուն Սինիրլիօղլուն այսօր Մոսկվայում ՌԴ փոխարտգործնախարար Միխայիլ Բոգդանովի հետ քննարկում է Սիրիայում տիրող իրավիճակը. հայտնում է թուրքական արտաքին քաղաքական գերատեսչության պաշտոնական կայքը: Թուրքիայի փոխարտգործնախարարն աշխատանքային այցով Մոսկվա է ժամանել հունվարի 9-ին ռուսական կողմի հրավերով:

Հունվարի 9-10-ը նշանակված բանակցությունների ընթացքում քննարկվելու են Սիրիայում տիրող իրավիճակը, ինչպես նաև անցյալ տարվա նոյեմբերին Անկարայում կայացած խորհրդակցությանը վերաբերող հարցերը: Թուրքական ԶԼՄ-ները հայտնում են, որ թուրք փոխնախարարը մտադիր է Սիրիայի հակամարտության լուծման կոնկրետ գործողությունների փաթեթ ներկայացնել իր ռուս գործընկերոջը, որտեղ խոսվում է Սիրիայում ժողովրդավարության հաստատման մասին՝ առանց  Բաշար  Ասադի: