Ռուսաստանի զինված ուժերը ազատագրել են ԼԺՀ-ի 99.7%-ը և ԴԺՀ-ի 79%-ը․ Գերասիմով

Ռուսաստանի զինված ուժերը մինչ օրս ազատագրել են Լուգանսկի Ժողովրդական Հանրապետության տարածքի 99.7%-ը և Դոնեցկի Ժողովրդական Հանրապետության տարածքի 79%-ը, իսկ Զապորոժիեի շրջանի 74%-ը և Խերսոնի շրջանի 76%-ը նույնպես գտնվում են Ռուսաստանի զինված ուժերի վերահսկողության տակ, հայտարարել է Ռուսաստանի զինված ուժերի գլխավոր շտաբի պետ Վալերի Գերասիմովը, հաղորդում է ՌԻԱ Նովոստին։

«Ներկայումս Ռուսաստանի Դաշնության մեր զինված ուժերը ազատագրել են Լուգանսկի Ժողովրդական Հանրապետության տարածքի 99.7%-ը (մնացել է 60 քառակուսի կիլոմետրից պակաս) և Դոնեցկի Ժողովրդական Հանրապետության տարածքի 79%-ը։ Զապորոժիեի շրջանի 74%-ը և Խերսոնի շրջանի 76%-ը գտնվում են ռուսական զորքերի վերահսկողության տակ», - ասել է Գերասիմովը, որի խոսքերը մեջբերում է Ռուսաստանի պաշտպանության նախարարությունը։