Ալիևն ու Էրդողանը քննարկել են Ադրբեջանի և Հայաստանի միջև հարաբերությունների կարգավորման գործընթացը

Սեպտեմբերի 1-ին Ադրբեջանի նախագահ Իլհամ Ալիևը Չինաստանի Թիենծին քաղաքում հանդիպել է Թուրքիայի նախագահ Ռեջեփ Թայիփ Էրդողանի հետ։

 APA-ի հաղորդմամբ՝ հանդիպման ժամանակ գոհունակություն է հայտնվել բոլոր ոլորտներում, այդ թվում՝ էներգետիկայի և տրանսպորտի, եղբայրության և ռազմավարական դաշինքի վրա հիմնված երկկողմ կապերի հետագա ընդլայնման կապակցությամբ։

Զրույցի ընթացքում կողմերը անդրադարձել են SOCAR-ի և թուրքական Botas ընկերության համագործակցությանը, մասնավորապես նշվել է ադրբեջանական գազի՝ Թուրքիայի տարածքով Սիրիա մատակարարման կարևորությունը՝ Կատարի ֆինանսական աջակցությամբ: Քննարկվել են նաև Ադրբեջանի և Թուրքիայի համատեղ էներգետիկ նախագծերի իրականացման հարցերն այլ երկրներում։

Ընդգծվել է մի քանի օր առաջ Կարս-Իգդիր-Դիլուջու երկաթուղային գծի հիմքը դնելու կարևորությունը, և մտքերի փոխանակում է տեղի ունեցել Ադրբեջանում, այդ թվում՝ Նախիջևանի շրջանում իրականացվող երկաթուղային նախագծերի վերաբերյալ։

Հանդիպման ժամանակ քննարկվել է Ադրբեջանի և Հայաստանի միջև հարաբերությունների կարգավորման գործընթացը, մասնավորապես, բարձր է գնահատվել Թուրքիայի «կայունացնող դերը» տարածաշրջանային հարցերում։

Պետությունների ղեկավարները մտքեր են փոխանակել ադրբեջանա-թուրքական ռազմավարական դաշնակցային հարաբերությունների հեռանկարների և փոխադարձ հետաքրքրություն ներկայացնող այլ հարցերի շուրջ։