Աֆղանստանում երկրաշարժի հետևանքով զոհերի թիվը հասել է 622-ի

Օգոստոսի 31-ի երեկոյան Աֆղանստանի արևելքում տեղի է ունեցել 6.0 մագնիտուդով երկրաշարժ, հաղորդում է ԱՄՆ երկրաբանական ծառայությունը։

Երկրաշարժի հետևանքով զոհվել է 622 մարդ, վիրավորվել՝ ավելի քան 1500-ը։ Այս մասին հաղորդում է Reuters գործակալությունը։

Տեղի իշխանությունները հայտնել են, որ զոհերի մեծ մասը Կունար նահանգում է։ Աֆղանստանի մի քանի այլ արևելյան նահանգներ նույնպես տուժել են։

Իշխանությունները խոստովանել են, որ զոհվածների և վիրավորների թիվը կարող է աճել։