Ռուսաստանը 2025 թվականի մարտից վերահսկողության տակ է վերցրել 130 բնակավայր․ ISW

Ռուսաստանի ԶՈւ-ի գլխավոր շտաբի ղեկավար Վալերի Գերասիմովը զգալիորեն չափազանցրել է գարուն-ամառ հարձակողական արշավի ժամանակ Ուկրաինայում ՌԴ բանակի ձեռքբերումները, գրում են պատերազմի ուսումնասիրման ամերիկյան ինստիտուտի (ISW) վերլուծաբանները:

Ռուսաստանի գլխավոր շտաբի ղեկավարը հայտարարել էր՝ ՌԴ զորքերը 2025 թվականի մարտից վերահսկողության տակ են վերցրել Ուկրաինայի 149 բնակավայր և ավելի քան 3,5 հազար քառակուսի կիլոմետր տարածք։ Իր հերթին ինստիտուտի վերլուծությունը ցույց է տվել՝ ռուսական բանակին հաջողվել է վերահսկողության տակ վերցնել միայն 2346 քառակուսի կիլոմետր տարածք և 130 բնակավայր:

Բացի այդ, ըստ վերլուծաբանների, Ռուսաստանը գրավել է Դոնեցկի մարզի 76,7%-ը, Խերսոնի մարզի 73,2%-ը և Զապորոժիեի մարզի 73%-ը, այլ ոչ թե համապատասխանաբար 79%, 76% և 74%-ը, Ինչպես պնդում Է Գերասիմովը: Ռուսաստանի Դաշնության Պաշտպանության նախարարության և վերլուծաբանների գնահատականը Լուգանսկի մարզում (99,7%) համընկել է: