Պուտինը Սի Ծինփինին տեղեկացրել է Ալյասկայում Թրամփի հետ բանակցությունների արդյունքների մասին

Ռուսաստանի նախագահ Վլադիմիր Պուտինը Չինաստանի նախագահ Սի Ծինփինին տեղեկացրել է ԱՄՆ առաջնորդ Դոնալդ Թրամփի հետ Ալյասկայում կայացած բանակցությունների արդյունքների մասին: Այս մասին հաղորդում է RIA_Kremlinpool տելեգրամյան ալիքը:

Երկուշաբթի՝ սեպտեմբերի 1-ին, Ռուսաստանի առաջնորդը ելույթ է ունեցել Շանհայի համագործակցության կազմակերպության (ՇՀԿ) պետությունների ղեկավարների խորհրդի նիստում: Նա ասել է, որ նախորդ օրը Սի Ծինփինին տեղեկացրել է Ալյասկայում կայացած գագաթնաժողովի արդյունքների մասին: Պուտինը հավելել է, որ մտադիր է տեղեկացնել նաև այլ արտասահմանյան գործընկերներին:

Օգոստոսի 15-ին Պուտինը և Թրամփը բանակցություններ են վարել ամերիկյան Ալյասկա նահանգում: Նախագահները մոտ երեք ժամ զրուցել են իրենց օգնականների, ինչպես նաև Ռուսաստանի Դաշնության և Միացյալ Նահանգների արտաքին գործերի նախարարների ներկայությամբ: Բանակցությունների հիմնական թեման Ուկրաինայում հակամարտության կարգավորումն էր: