Ալիևը ՌԴ-ի հարցում ունի երկու տարբերակ․ աղբյուր

Ալիևը կամ ստիպված կլինի ներողություն խնդրել ՌԴ-ին քննադատելու համար, կամ ադրբեջանական սփյուռքի վրա հարձակումները կշարունակվեն։ Այս մասին գրում է INSIDER-T Telegram ալիքը՝ հղում անելով իր աղբյուրին։

«Նշվում է, որ Մոսկվայում Սատիրայի թատրոնի նախկին տնօրեն Մահոմեդալի Աղաևի ձերբակալությունը նույնպես կարևոր նոտա է դարձել Ադրբեջանի առաջնորդի համար. Բաքվին աներկբա ազդանշան է ուղարկվել այն մասին, որ քրեական գործեր կսպասեն անգամ մշակութային ոլորտի ներկայացուցիչներին, որոնք վաղուց ինտեգրված են ռուսական պրոֆիլային շրջանակներին։

Այստեղ կարևոր պահ է Ալիևի հետ անձնական կապը և նրա քաղաքականության հաստատումը։ Եթե այս կամ այն երևելի ադրբեջանցին դրանում չի երևում, ապա նրան ոչինչ չի սպառնա։ Իսկ ահա Ալիևին մոտ անձանց դեպքում խոսակցությունը բոլորովին այլ կլինի․ դրանք կօգտագործվեն որպես Ալիևի վրա ճնշում գործադրելու լծակ, որպեսզի նա վերջապես խելքի գա և դադարի վտանգի տակ դնել ռուս-ադրբեջանական բազմամյա հարաբերությունները», - հավելել է աղբյուրը։