Պուտինի չորսօրյա այցը Չինաստան խորհրդանշական էր․ Sky News

Ռուսաստանի նախագահ Վլադիմիր Պուտինի չորսօրյա այցը Չինաստան ցույց է տալիս, որ Չինաստանի նախագահ Սի Ծինփինի հետ հարաբերությունները ավելի ամուր են, քան երբևէ, և որ երկրները միասնական կլինեն ապագա սպառնալիքների առջև, հաղորդում է Sky News-ը։

Ինչպես հաղորդում է հեռուստաալիքը, վերջին անգամ Պուտինը չորս օրով օտարերկրյա այց է ունեցել 2005 թվականին, երբ նա մասնակցել է Նյու Յորքում ՄԱԿ-ի Գլխավոր ասամբլեայի 60-ամյակին նվիրված նստաշրջանին։ Հեղինակների կարծիքով՝ երկարատև այցը ցույց է տալիս, թե որքան մոտ են Մոսկվան և Պեկինը ԱՄՆ-ի կողմից նրանց հարաբերությունները թուլացնելու փորձերի ֆոնին։

«Ռուսաստանի նախագահի Չինաստանում ծրագիրը նպատակ ունի ընդգծել, որ Սի Ծինփինի հետ իր հարաբերությունները ավելի ամուր են, քան երբևէ», -ասվում է տեքստում։ Ինչպես հիշեցնում է Sky News-ը, Շանհայի համագործակցության կազմակերպության գագաթնաժողովից հետո Պուտինը, որպես պատվավոր հյուր, կմասնակցի Երկրորդ համաշխարհային պատերազմում Ճապոնիայի կապիտուլյացիայի 80-ամյակին նվիրված ռազմական շքերթին։

«Խորհուրդը պարզ է. Ռուսաստանը և Չինաստանը ուս ուսի պայքարել են անցյալի թշնամիների դեմ, և նրանք միասնական կմնան ապագա սպառնալիքների առջև», - ասվում է տեքստում։