Զախարովան խոսել է Լիտվայի՝ Բելառուսի հետ սահմանին ճահիճները վերականգնելու ծրագրերի մասին

Լիտվայի և Բելառուսի միջև սահմանը դարձել է անհանգիստ։ Այս մասին իր Telegram ալիքում հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ մեկնաբանելով Վիլնյուսի կողմից անվտանգությունն ամրապնդելու համար սահմանին ճահիճները վերականգնելու ծրագրերը։

«Լեհ-բելառուսական սահմանը անհանգիստ է։ Եվրահանձնաժողովի ղեկավար Ուրսուլա ֆոն դեր Լեյենը, Լեհաստանի վարչապետ Դոնալդ Տուսկը և Լիտվայի ճահճուտների վերականգնման և պաշտպանության հիմնադրամի տնօրեն Ներիուս Զաբլյացկիսը որոշում են, թե ինչպես այն արդիականացնել», - գրել է դիվանագետը։

Զաբլյացկիսը նախօրեին հայտարարել է սահմանին ճահիճները վերականգնելու ծրագրերի մասին։ Նրա խոսքով՝ Լիտվան քննարկում է Բելառուսի հետ սահմանին չորացված ճահիճները վերականգնելու հնարավորությունը անվտանգությունն ամրապնդելու համար։ Հիմնադրամի ղեկավարը նշել է, որ դրանց վերականգնումը «կտևի մեկ տասնամյակ», և ճահիճների մեկ հեկտարը կարժենա 500-2000 և ավելի եվրո։