Գիտնականները բացահայտել են՝ երբ ծնվել է Յուպիտերը (Լուսանկար)

Մետեորիտներում հայտնաբերված հնագույն փոքրիկ ժայռային կաթիլներն օգնել են գիտնականներին որոշել՝ երբ է ձևավորվել Արեգակնային համակարգի հսկա մոլորակ Յուպիտերը։ Մոտ 4.5 միլիարդ տարի առաջ Յուպիտերը սկսել է արագ աճել ու իր հսկայական ծանրությամբ ազդել մոլորակային մնացորդների վրա՝ առաջացնելով բախումներ, որոնք պլանետեզիմալներում հալեցրել են ժայռերը և ձևավորել ժայռային կաթիլներ։ Դրանք պահպանվել են մետեորիտներում, որոնք այսօր ընկնում են Երկիր։

Նագոյայի համալսարանի (Ճապոնիա) և Իտալիայի աստղաֆիզիկական ինստիտուտի (INAF) հետազոտողները համակարգչային մոդելավորմամբ պարզել են, որ ժայռային կաթիլների  առաջացումը համընկել է հենց Յուպիտերի ծննդյան ժամանակին՝ Արեգակնային  համակարգի առաջին միլիոնավոր տարիներին: