Սի Ծինփինը Պուտինի հետ հանդիպման ժամանակ «գլոբալ կառավարման գաղափար» է առաջարկել

Չինաստանի նախագահ Սի Ծինփինը Պեկինում Ռուսաստանի նախագահ Վլադիմիր Պուտինի հետ հանդիպման ժամանակ առաջարկել է խթանել համաշխարհային կառավարման ավելի արդար համակարգ: Չինաստանի առաջնորդի խոսքերը հաղորդել է ՏԱՍՍ-ը։

«Մենք պատրաստ ենք համատեղ աջակցել միմյանց ազգային զարգացման և բարգավաճման գործում և անսասանորեն պաշտպանել միջազգային արդարությունն ու հավասարությունը», - նշել է Սի Ծինփինը։

Չինաստանի նախագահը շեշտել է, որ վերջին տարիներին Ռուսաստանը և Չինաստանը, իրենց առաջնորդների ղեկավարությամբ, զգալի և արդյունավետ արդյունքների են հասել բազմակողմ համագործակցության մեջ։