Ճապոնիայում սողանքների պատճառով՝ կարող է 46 000 մարդ տարհանվել

Հոնսյու կղզու հյուսիսում գտնվող ճապոնական Ակիտա քաղաքի գրեթե 50 000 բնակիչների խորհուրդ է տրվել տարհանվել սողանքների սպառնալիքի պատճառով, հաղորդում է NHK-ն։

Ներկայումս ուժեղ անձրևների պատճառով՝ սողանքների ռիսկը գնահատվում է հինգ բալանոց սանդղակով չորրորդ մակարդակում։ Այս կապակցությամբ քաղաքային իշխանությունները կոչ են արել 23 158 տնային տնտեսություններում բնակվող 46 045 մարդկանց գնալ հատուկ տարհանման կենտրոններ։

Բացի այդ, Գոջոմե և Նոշիրո քաղաքների ավելի քան 3000 բնակիչներ տարհանման հրաման են ստացել։

Օդերևութաբանների կանխատեսումների համաձայն՝ Ակիտա պրեֆեկտուրայում ուժեղ անձրևները կշարունակվեն։