Իռլանդիան մտադիր է մասնակցել Ուկրաինայում խաղաղապահ առաքելությանը

Իռլանդիայի վարչապետ Մայքլ Մարտինը հայտարարել է երկրի՝ Ուկրաինայում խաղաղապահ առաքելությանը մասնակցելու պատրաստակամության մասին: Այս մասին հաղորդում է ՏԱՍՍ-ը։

«Իռլանդիան պատրաստ է աջակցել «կամավորների կոալիցիային», այդ թվում՝ ոչ մահացու ռազմական օգնություն տրամադրելով, և քննարկել ՄԱԿ-ի կանոնադրության համաձայն համապատասխան մանդատ ստացած խաղաղապահ գործողություններին մասնակցելու հնարավորությունը», - ասել է Մարտինը Ուկրաինայի նախագահ Վոլոդիմիր Զելենսկու հետ հեռախոսազրույցի ժամանակ։

Նա նաև ընդգծել է, որ Դուբլինը կշարունակի համագործակցել այլ պետությունների հետ Կիևի եվրոպական ինտեգրացիան խթանելու համար։