Ինչ կլինի, եթե ԱՄՆ-ն դադարեցնի Իսրայելին աջակցել՝ հենց վաղվանից

ԱՄՆ-ի անսասան աջակցությունը երկար տարիներ ապահովել է Իսրայելի գերակայությունը Մերձավոր Արևելքում՝ թե՛ ռազմական, թե՛ դիվանագիտական և թե՛ ֆինանսական ոլորտներում։ Մասնագետները, որոնց մեջ են քաղաքական վերլուծաբաններ և նախկին պաշտոնյաներ, կարծում են, որ Վաշինգտոնի ցանկացած կտրուկ քայլ ամբողջությամբ կփոխի տարածաշրջանային ու միջազգային հավասարակշռությունը։ ԱՄՆ-ի աջակցությունից զրկվելու դեպքում Իսրայելը կբախվի միջազգային ճնշումների կտրուկ աճի, նույնիսկ հնարավոր է՝ ՄԱԿ-ի անվտանգության խորհրդի կողմից միջամտության։

Ռազմական առումով Իսրայելը մեկ տարվա ընթացքում կկարողանա շարունակել Գազայի պատերազմը, սակայն կդառնա առավել խոցելի՝ առանց ամերիկյան պաշտպանական համակարգերի ու արբանյակային ծածկույթի։ Եվրոպան դժվար թե արագ լրացնի այդ բացը՝ զինամթերքի պակասի ու բարձր գների պատճառով։ Ֆինանսական ոլորտում, առանց ԱՄՆ-ի երաշխիքների ու աջակցությունների, տեխնոլոգիական ու ռազմական արդյունաբերությունը կհայտնվի ճգնաժամում, իսկ միջազգային մեկուսացումը կդարձնի Իսրայելը «պարիա պետություն»՝ նմանապես Հարավաֆրիկյան Հանրապետությանը ապարտեիդի տարիներին։

Քաղաքական զարգացումների սցենարը ևս կարող է սրվել․ ներքին իշխանությունները կարող են պահպանել կոշտ կեցվածքը, սակայն Կենտրոնական բանկը և բանակը ստիպված կլինեն վերանայել ռազմական գործողությունների շարունակելիությունը։ Գազայի ու Արևմտյան ափի հարցերում հավանական է իրավիճակի սառեցում՝ ներքին ճգնաժամից խուսափելու համար։ Վերլուծաբանների կարծիքով՝ առանց ԱՄՆ-ի Իսրայելը կկորցնի «անպատժելիության վահանը» և ստիպված կլինի գնալ փոխզիջումների, փոխանցում է ։