Սլովակիան դեմ է ԵՄ-ում ռուսական գազի ներմուծման արգելքին․ Ֆիցո

Սլովակիայի վարչապետ Ռոբերտ Ֆիցոն հայտարարել է, որ «Թուրքական հոսք» գազատարով մատակարարվող գազի ծավալը աստիճանաբար աճում է, հաղորդում է «Ինտերֆաքսը»։

Քաղաքական գործչի խոսքով՝ «Թուրքական հոսքով» մատակարարվող գազի ծավալը գրեթե հասել է տարեկան 4 միլիարդ խորանարդ մետրի։ Միևնույն ժամանակ, Սլովակիան չի աջակցում ԵՄ-ի՝ ռուսական վառելիքի ներմուծումը աստիճանաբար դադարեցնելու ծրագրին, որը կոչվում է REPowerEU։

«Մենք կքվեարկենք այս որոշման դեմ։ Վստահ եմ, որ մինչև 2028 թվականը շատ բան կարող է փոխվել, և որ REPowerEU-ն չի գործի, քանի որ դա մեզ մեծ վնաս կպատճառի։ Մենք ցանկանում ենք շարունակել համագործակցությունը էներգետիկ ոլորտում։ Մենք հետաքրքրված ենք ռուսական գազի և նավթի մատակարարումներով», - ասել է Ֆիցոն։