Երկրի վրա ուժեղ մագնիսական փոթորիկներ են սկսվել

Երկրի վրա սկսվել են G2 և G3 դասի մագնիսական փոթորիկներ՝ արեգակնային պլազմայի ամպի մոլորակի մագնիսական դաշտ ներթափանցման պատճառով: Այս մասին իրենց Telegram ալիքում հայտնել են Ռուսաստանի գիտությունների ակադեմիայի տիեզերական հետազոտությունների ինստիտուտի Արեգակնային աստղագիտության լաբորատորիան և Ռուսաստանի գիտությունների ակադեմիայի Սիբիրյան մասնաճյուղի Արեգակնային-երկրային ֆիզիկայի ինստիտուտը։

Կանխատեսվում է, որ մոտ ապագայում Երկրի մագնիսական դաշտի խանգարումների ինտենսիվությունը կաճի։

«Բևեռային լույսերի հիմնական գոտին, ցավոք, կձևավորվի Սկանդինավյան երկրներում և Կանադայում», - նշել են աստղաֆիզիկոսները։