Ռուսաստանում բենզինի գները կրկին մոտեցել են ռեկորդային մակարդակին

Սանկտ Պետերբուրգի բորսայի տվյալներով՝ սեպտեմբերի 2-ի առևտրային սեսիայում բենզինի գները շարունակել են աճել․ Аи-95 տեսակի բենզինը հասել է 81,566 ռուբլու մեկ տոննայի դիմաց՝ պատմության երկրորդ բարձր ցուցանիշը։ Аи-92 տեսակը եվրոպական մասում արժեցել է 70,117 ռուբլի՝ 0,92% աճով։ Սիբիրում և Հեռավոր Արևելքում Аи-92-ը հասել է 75,552 ռուբլու, իսկ Аи-95-ը՝ 79,462 ռուբլու։

Օգոստոսին գները մի քանի անգամ թարմացրել էին պատմական ռեկորդներ, սակայն կառավարության և խոշոր նավթային ընկերությունների ղեկավարների հանդիպումից հետո տեղի ունեցավ ժամանակավոր նվազում։ Այնուամենայնիվ, գները արագ վերադարձան բարձր մակարդակներին, իսկ դիզելային վառելիքի գներն էլ աճեցին՝ հասնելով 61,482 ռուբլու՝ տարվա երկրորդ բարձր ցուցանիշին։

Պետությունը շարունակում է վստահեցնել, որ վառելիքի պակասի վտանգ չկա, սակայն փորձագետները նշում են՝ գների աճի հիմնական պատճառներից է անօդաչու սարքերի հարձակումները ռուսական նավթավերամշակման գործարանների վրա, ինչը նվազեցնում է արտադրական ծավալները։