Տղամարդը փորձել է պաշտպանվել կոկորդիլոսից սեփական շան օգնությամբ

Ավստրալիայի Քվինսլենդ նահանգում տղամարդը, որին հարձակվել էր երեք մետրանոց կոկորդիլոս, փորձել է պաշտպանվել օգտագործելով իր շանը։ Դեպքը տեղի է ունեցել դեռ 2011 թվականին, երբ 28-ամյա հանքափոր Թոդ Բերսթոուն Դիգ-Դիգ անունով շան հետ գնացել էր ձկնորսության։ Գիշատիչը կոտրել է նրա երկու ոտքերն ու կծել մատը՝ ավելի քան կես ժամ պահելով նրան ջրում։ Վախի պահին Բերսթոուն փորձել է շանով հարվածել կոկորդիլոսին, սակայն դա արդյունք չի տվել։

Տղամարդուն փրկել է ընկերը՝ Քևինը, որը պատահաբար եղել է մոտակայքում։ Նա փայտով հարվածելով կոկորդիլոսին ստիպել է գիշատչին բաց թողնել Բերսթոուին։ Տուժածը տեղափոխվել է Քեյնսի հիվանդանոց, որտեղ նրան մի քանի վիրահատություն է արվել։

Կոկորդիլոսը հետագայում բռնվել է նույն գետում և նույնականացվել է ատամների հետքերի միջոցով։ Ավելի վաղ հաղորդվել էր նմանատիպ դեպքի մասին Հնդկաստանում, երբ տղամարդը փայտով կարողացել էր փրկել մորը կոկորդիլոսի հարձակման ժամանակ, հայտնում է Лента.ру-ն։