Պուտինը խորհուրդ է տվել Եվրոպային

Եվրոպան կարող էր դադարեցնել Ուկրաինային գազի և էլեկտրաէներգիայի մատակարարումը, և այդ ժամանակ Կիևը արագ կհասկանար, թե որտեղ է ուրիշի շահերի խախտման սահմանը։ Հայտարարել է ՌԴ նախագահ Վլադիմիր Պուտինը Սլովակիայի վարչապետ Ռոբերտ Ֆիցոյի հետ հանդիպման ժամանակ՝ մեկնաբանելով Ուկրաինայի զինված ուժերի հարձակումները խողովակաշարերի վրա, գրում է ТАСС-ը։

«Ինչ կարելի է ասել։ Չէ որ Ուկրաինան էներգառեսուրսների զգալի ծավալ է ստանում Արևելյան Եվրոպայի իր հարևանների միջոցով։ Փակեք գազի մատակարարումները, որոնք հակառակ ուղղությամբ են ընթանում, փակեք էլեկտրաէներգիայի մատակարարումները, և նրանք անմիջապես կհասկանան, որ իրենց վարքագծի ինչ-որ սահմաններ կան ուրիշների շահերի խախտման ոլորտում», - նշել է Ռուսաստանի ղեկավարը։

Զրույցի ընթացքում Ֆիցոն նշել է՝ Բրատիսլավան կոշտ է արձագանքում նավթային ենթակառուցվածքներին Ուկրաինական հարվածներին։ Նա նման հարձակումներն անթույլատրելի է անվանել և հավելել՝ նախատեսում է այդ հարցը բարձրացնել Վոլոդիմիր Զելենսկու հետ հանդիպմանը։