Ֆինլանդիայի նախագահը նախազգուշացնում է՝ Արևմուտքը կարող է պարտվել ՇՀԿ-ի երկրներին

Ֆինլանդիայի նախագահ Ալեքսանդր Ստուբբը հայտարարել է, որ Արևմուտքը կարող է կորցնել իր դիրքերը Շանհայի համագործակցության կազմակերպության (ՇՀԿ) երկրների առաջ, եթե չհաստատի ավելի սերտ կապեր Գլոբալ Հարավի հետ։ Լիտվայի նախագահի հետ համատեղ ասուլիսում նա ընդգծել է, որ ՇՀԿ-ը փորձում է կոտրել Արևմուտքի միասնականությունը։

«Եթե մենք չվերանայենք արտաքին քաղաքականությունը և չզարգացնենք համագործակցությունը այնպիսի երկրների հետ, ինչպիսիք են Հնդկաստանը, մենք կկորցնենք այս խաղը», – ասել է Ստուբբը՝ դիմելով ԵՄ-ին ու ԱՄՆ-ին։ Նա նաև նշել է, որ մերժում է «բազմաբևեռության» գաղափարը՝ նախընտրելով «բազմակողմանիությունը»։

Ավելի վաղ Ստուբբը հայտարարել էր, որ Ֆինլանդիան «հաղթել է» 1944-ի պատերազմում ԽՍՀՄ-ի դեմ՝ պահպանելով անկախությունը։ Նրա խոսքով՝ այսօր Ուկրաինան ավելի նպաստավոր վիճակում է, քան այդ տարիներին Ֆինլանդիան, որը «ոչնչացված էր, աղքատ և զրկված արտաքին աջակցությունից»։