Բոլսոնարու դատավարությունը Բրազիլիայում հասել է վճռորոշ փուլ

Բրազիլիայի նախկին նախագահ Ժաիր Բոլսոնարուն կանգնած է պատմական դատավարության առաջ՝ մեղադրվելով 2022-ի ընտրություններից հետո իշխանությունը պահելու փորձի մեջ։ Գերագույն դատարանում ընթացող գործը, որը կարող է ավարտվել սեպտեմբերի 12-ին, ուշադրության կենտրոնում է նաև ԱՄՆ նախագահ Դոնալդ Թրամփի կողմից․ վերջինս այն անվանել է «կախարդների որս» և պատժամիջոցներ է կիրառել դատավոր Ալեքսանդր դե Մորաեսի ու նրա գործընկերների նկատմամբ։

Բոլսոնարուն շարունակում է պնդել իր անմեղությունը՝ չնայած ակնկալվող դատավճռին։ Դատական գործընթացի նախօրեին դատարանը խստացրել է նրա տան շրջակայքում անվտանգության միջոցները՝ կանխելու հնարավոր փախուստը։ Գործի քննությունը վերածվել է երկրի խորապես բևեռացված քաղաքական դաշտի խորհրդանիշի․ աջերը քննադատում են գործընթացը որպես քաղաքական հաշվեհարդար, մինչդեռ մյուսները դա տեսնում են որպես ժողովրդավարության պաշտպանության քայլ։

Գործը լուսաբանվում է ուղիղ եթերում և հիշեցնում է 2023-ի հունվարյան անկարգությունների հետևանքները, երբ Բոլսոնարուի կողմնակիցները գրոհեցին Կոնգրեսը և Գերագույն դատարանը։ Դատավարությունը կարող է պատմական դատապարտում դառնալ Բրազիլիայի զինված ուժերի այն ներկայացուցիչների համար, որոնք երբեք չեն պատասխանատու եղել 1964-1985 թթ․ բռնապետության հանցագործությունների համար։ Սպասվում են նաև նոր բողոքի ակցիաներ՝ հօգուտ Բոլսոնարուի, հայտնում է Reuters-ը։