Կամչատկայում երկրաշարժի հետցնցումները կարող են տևել մեկ տարի

ՌԴ ԳԱԱ Երկրի ֆիզիկայի ինստիտուտի փոխտնօրեն Ռուբեն Տատևոսյանի խոսքով՝ Կամչատկայում հուլիսի վերջին տեղի ունեցած 8,8 մագնիտուդով երկրաշարժից հետո հետցնցումները կարող են շարունակվել մեկ տարի։ Նա նշել է, որ նման ուժգին սեյսմիկ իրադարձություններից հետո երկրորդական ցնցումները սովորաբար չեն դադարում ամիսներով։

Տատևոսյանը վստահեցրել է, որ հույս ունի՝ նույն ուժգնությամբ երկրաշարժ չի կրկնվի, սակայն բնակչությանը հորդորել է պահպանել զգոնություն։

Հուլիսի 30-ի գիշերը գրանցված սեյսմիկ ցնցումը դարձել է Կամչատկայի ամենաուժգինը 1952 թվականից ի վեր։ Միայն սեպտեմբերի 1-ին արձանագրվել է 16 հետցնցում՝ 3,7-ից 5,1 մագնիտուդով։