«Оզեմպիկի» անսպասելի էֆեկտը․ նոր դեղամիջոցները կարող են փրկել սրտերը

Թույլատրելի քաշի նվազեցման դեղամիջոցները՝ Ozempic և Wegovy, բացի շաքարախտի և ճարպակալման դեմ պայքարից, կարող են 40 տոկոսով նվազեցնել սրտային անբավարարությամբ հոսպիտալացումների և մահվան վտանգը։ Այդ եզրակացության են եկել Մյունխենի Տեխնիկական համալսարանի և Հարվարդի բժշկական դպրոցի գիտնականները՝ վերլուծելով շուրջ 100 հազար հիվանդների տվյալներ։ Ուսումնասիրությունը հրապարակվել է հեղինակավոր JAMA հանդեսում։

Հետազոտությունը ցույց է տվել, որ սեմագլուտիդի և տիրզեպատիդի հիմքով դեղերը արդյունավետ են HFpEF տեսակի սրտային անբավարարության կանխարգելման գործում, որն ամենատարածվածներից է աշխարհում։ Այս վիճակում սիրտը պահպանում է արյուն մղելու ունակությունը, սակայն մկանները կորցնում են էլաստիկությունը՝ բարդացնելով արյան շրջանառությունը։ Հիվանդությամբ տառապում է ավելի քան 30 միլիոն մարդ, մինչ այժմ արդյունավետ բուժման մեթոդները սահմանափակ են։

Գիտնականների խոսքով՝ սա խոշորագույն հետազոտությունն է, որի տվյալները 20 անգամ գերազանցում են սովորական կլինիկական փորձարկումների ծավալը։ Արդյունքները կարող են հանգեցնել բժշկական ուղեցույցների վերանայման և այս դեղերի կիրառման ցուցումների ընդլայնման։ Նախկինում բժիշկները զգուշացրել էին, որ դեղորայքով արագ քաշի կորուստը կարող է ազդել մկանային զանգվածի և ոսկրերի խտության վրա։