Լավրովը Կիևի հետ բանակցությունները շարունակելու հույս է հայտնել

Մոսկվան ակնկալում է, որ ռուս-ուկրաինական բանակցությունները կշարունակվեն։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը ինդոնեզական «Կոմպաս» թերթին տված հարցազրույցում, որը հրապարակվել է արտգործնախարարության կայքում։

Նրա խոսքով՝ Ուկրաինայի հետ բանակցությունները վերսկսվել են գարնանը՝ Ռուսաստանի նախաձեռնությամբ։ «Երեք փուլից հետո որոշակի առաջընթաց է գրանցվել մարդասիրական հարցերում», -նշել է նախարարը։

«Պատվիրակությունների ղեկավարները անմիջական կապի մեջ են։ Մենք ակնկալում ենք, որ բանակցությունները կշարունակվեն», - ասել է նա։