Թուրքիան կշարունակի աջակցել Հայաստանի և Ադրբեջանի միջև ընթացող խաղաղ գործընթացներին․ Թուրքիայի փոխնախագահ

Մենք ուրախ ենք Ադրբեջանի հետ մեր համագործակցության հետագա ամրապնդման համար։ Հայտարարել է Թուրքիայի փոխնախագահ Ջևդեթ Յըլմազը X-ում։

«Մեր նախագահների ղեկավարությամբ Շուշիի հռչակագրի շնորհիվ դաշնակցային մակարդակի բարձրացված մեր հարաբերությունները նոր հորիզոններ են բացում տնտեսության, սոցիալական քաղաքականության և տարածաշրջանային համագործակցության ոլորտներում։

Օգոստոսի 8-ին Վաշինգտոնում կատարված պատմական քայլից հետո Հարավային Կովկասում հարատև խաղաղության և կայունության մեր հույսերն էլ ավելի ամրապնդվեցին: Մենք կշարունակենք աջակցել տարածաշրջանային խաղաղ գործընթացին, ինչպես նաև Ադրբեջանի ու Հայաստանի միջև հարաբերությունների կարգավորմանը», - նշել է պաշտոնյան։