Որն է Թրամփի՝ Ռուսաստան այցի պայմանը․ քաղաքագետ

ԱՄՆ նախագահ Դոնալդ Թրամփի այցը Ռուսաստան մեծապես կախված կլինի Սպիտակ տան քաղաքական կամքից: Նման կարծիք է հայտնել քաղաքագետ Մալեկ Դուդակովը, գրում է Lenta-ն։

Նա ընդգծել է՝ ԱՄՆ առաջնորդի ժամանումը դիվանագիտական մեծ ձեռքբերում կլինի։ «Ակտիվանում են շփումները Ռուսաստանի և ԱՄՆ-ի միջև աշխատանքային խմբերի գծով, և այդ աշխատանքի շրջանակներում իսկապես կարող է խոսք գնալ Թրամփի պատասխան այցի մասին։ Առավել ևս դա քաղաքավարի և ճիշտ կլիներ դիվանագիտական վարվելակարգի տեսանկյունից», - ասել է քաղաքագետը։

Դուդակովի խոսքով՝ ամերիկյան առաջնորդի հնարավոր այցը Ռուսաստան բեկում կլինի երկկողմ հարաբերություններում, ինչը թույլ կտա լրջորեն ակտիվացնել բանակցային ուղին: Քաղաքագետն ընդգծել է՝ նման իրադարձությունը բեկումնային կլիներ նույնիսկ ուկրաինական հակամարտության կարգավորման հարցում արագ տեղաշարժերի բացակայության դեպքում: