Թռչունը ստիպել է ռուսական ինքնաթիռին դադարեցնել թռիչքը դեպի Վիետնամ

Իրկուտսկից Վիետնամի Կամրան քաղաք ուղևորվող Azur Air-ի ինքնաթիռը ստիպված է եղել վերադառնալ օդանավակայան թռիչքից անմիջապես հետո՝ թռչնի հետ բախման պատճառով։ Ըստ Արևելա-Սիբիրի տրանսպորտային դատախազության՝ միջադեպը տեղի է ունեցել առավոտյան ժամը 10-ին (Մոսկվայի ժամանակ՝ 05:00)։

Նշվում է, որ թռչունը հայտնվել է ճակատային ապակու մաքրիչի հատվածում՝ առաջացնելով տեխնիկական խնդիր։ Հաջորդ թռիչքը նախնական տվյալներով նախատեսված է 15:30-ին (Մոսկվայի ժամանակ՝ 10:30)։

Նմանատիպ դեպքեր վերջին օրերին կրկնվել են Ռուսաստանի այլ օդանավակայաններում․ սեպտեմբերի 1-ին Վլադիվոստոկի օդանավակայանում ինքնաթիռի քիթը վնասվել էր թռչունների հետ բախման հետևանքով, հայտնում է Лента.ру-ն։