Արջը տուն է մտել ուտելիք փնտրելու և հարձակվել տարեց տանտիրոջ վրա

ԱՄՆ-ում արջը հարձակվել է 63-ամյա տղամարդու վրա նրա տանը։ Այս մասին հայտնել է WNYT հեռուստաալիքը։

Դեպքը տեղի է ունեցել շաբաթ օրը՝ օգոստոսի 30-ին, Նյու Յորքի Կահիրե քաղաքում։ Ժամը 20:00-ի սահմաններում ոստիկանությունը հաղորդագրություն է ստացել տեղի բնակչի տուն ներխուժած արջի մասին։ Նրանք ժամանել են դեպքի վայր և տան տիրոջը գտել են հարևանի մոտ։ Տղամարդը պատմել է, որ արջը բարձրացել է միջանցք, որտեղ պահվում են սնունդ և աղբ, ապա դուրս է եկել դռան ետևից և հարձակվել իր վրա։

Բնապահպանության դեպարտամենտի (DEC) տվյալներով՝ զոհը, որին գիշատիչը կծել կամ քերծել է, տեղափոխվել է հիվանդանոց։ Նրա ներկայիս վիճակի, ինչպես նաև կենդանու ճակատագրի մասին չի հաղորդվում։

DEC-ը նշել է, որ արջերը այս ժամանակահատվածում հազվադեպ են դուրս գալիս մարդկանց մոտ։ Նրանք սովորաբար ակտիվորեն փնտրում են բարձր կալորիականությամբ սնունդ գարնանը և ամռան սկզբին, երբ իրենց ճարպային պաշարները սպառվում են։

Թարգմանությունը՝ Lurer.com-ի