Բժիշկները տեսողության կորուստ ունեցող հիվանդի ուղեղից հեռացրել են 18 սմ երկարությամբ որդ

Չինաստանի մի բնակիչ լուրջ տեսողական խնդիրների և էպիլեպտիկ նոպաների է բախվել՝ ուղեղում պարազիտի պատճառով։ Այս մասին հաղորդում է QQ News պորտալը։

Անցած տարվա ապրիլին Հունան նահանգից 29-ամյա Լի Չժեն առաջին անգամ նկատեց «մոզայկաներ» իր ձախ աչքում։ Այդ պահից սկսած՝ այդ փայլատակումները ավելի հաճախակի դարձան, իսկ աչքի տեսադաշտը՝ աստիճանաբար նեղացավ։ Սակայն սկզբնական հետազոտությունները ոչինչ չհայտնաբերեցին։

Հուլիսի 31-ին հիվանդը էպիլեպտիկ ուժեղ նոպա ունեցավ՝ գիտակցության կորուստով՝ մեքենա վարելու ընթացքում, ինչի պատճառով նորից դիմեց բժշկական կենտրոն։ Այս անգամ բժիշկները հայտնաբերեցին, որ նրա ուղեղում ապրում է սպարգանոզ՝ 18 սմ երկարությամբ պարազիտ, որը հաջողությամբ հեռացվեց վիրահատական ճանապարհով։

Պարզվել է, որ տղամարդը նախկինում երբեմն որսում էր վայրի օձեր, բացում էր նրանց փորոտիքը, հանում լեղապարկը և այն կուլ տալիս հում վիճակում։

«Ես դա արել եմ երեք-չորս անգամ։ Կարծում էի՝ օձի լեղապարկը օգտակար է առողջության համար և գաղափար չունեի, որ դրա մեջ կարող են պարազիտներ լինել», – խոստովանել է Չժենը։

Վիրահատությունից հետո նա խոստացել է այլևս հում մթերք չուտել։ Բժիշկներն ընդգծում են, որ սպարգանոզով հնարավոր է վարակվել հում կամ քիչ եփված սննդից, ինչպես նաև սովորական ջրից։

Սպարգանոզը կարող է տարածվել ամբողջ մարմնով մեկ և առաջացնել էպիլեպսիա, գլխացավեր և վատ առողջություն։

Թարգմանությունը՝ Lurer.com-ի