iPhone 16 Pro Max-ը չի ընդգրկվել Apple-ի 5 հզորագույն սարքերի ցանկում

AnTuTu-ի մշակողները ներկայացրել են iOS և iPadOS սարքերի օգոստոսյան վարկանիշը, որտեղ iPhone-ը զբաղեցրել է վերջին տեղերը։

Առաջին տեղը զբաղեցրել է Apple M4 չիպով 11 դյույմանոց iPad Pro-ն, որը միջինում հավաքել է 2.93 միլիոն միավոր։ Երկրորդ և երրորդ տեղերը կիսել են 13 դյույմանոց iPad Pro M4-ը (2.91 միլիոն) և iPad Air M3-ը (2.39 միլիոն)։

Առաջին տասնյակում են նաև 11 դյույմանոց iPad Air M3-ը (2.24 միլիոն), 12.9 դյույմանոց iPad Pro M2-ը (2.22 միլիոն), 11 դյույմանոց iPad Pro M2-ը (2.16 միլիոն) և 13 դյույմանոց iPad Air M2-ը (2.15 միլիոն), 11 դյույմանոց iPad Air M2-ը (2.02 միլիոն)։

Վարկանիշը եզրափակում են Apple A18 Pro ֆլագմանային չիպով հագեցած iPhone 16 Pro Max-ը (1.96 միլիոն) և iPhone 16 Pro-ն (1.95 միլիոն)։

iPhone 16 Plus-ը և Apple A18 չիպերով iPhone 16-ի բազային տարբերակը վարկանիշից դուրս էին։ Այս մոդելները միջինում համապատասխանաբար հավաքել են 1.83 և 1.79 միլիոն միավոր։ AnTuTu-ի աղյուսակում հաջորդ սմարթֆոնը iPhone 15 Pro-ն է, որն արդեն զբաղեցրել է 16-րդ տեղը։

AnTuTu-ն ընդգծել է, որ վարկանիշը հիմնված է Չինաստանում անցած մեկ ամսվա ընթացքում նույնանուն չափանիշով Apple սարքերի փորձարկման միջին արդյունքների վրա։

Թարգմանությունը՝