Որն է Ռուսաստանի քաղաքացիների գլխավոր վախը հատուկ ռազմական գործողությունից․ վերլուծաբան

Ռուսաստանի քաղաքացիների հիմնական վախը հատուկ ռազմական գործողությունից կապված է հակամարտության հետագա սրման և ռազմական գործողությունների գոտու ընդլայնման հետ: Այս մասին հայտարարել է վերլուծաբան Վալերի Ֆյոդորովը։ Նրա խոսքերը փոխանցում է Царьград-ը։

Փորձագետի խոսքով՝ ամենավտանգավոր սպառնալիքն այն սպառնալիքն է, որը դեռ չի իրականացվել։ Քանի որ մարտական գործողություններն արդեն ընթանում են, վերլուծաբանը կարծում է, որ խոսքը բուն մարտական գործողություններից վախի մասին չէ։

«Ռուսաստանի քաղաքացիների առանցքային մտահոգությունը կապված է հակամարտության ձգձգման հետ և կա մտավախություն, որ այն կվերաճի ավելի մասշտաբային դիմակայության», - պարզաբանել է Ֆյոդորովը: