Կառավարությունը տնտեսվարողներին պարտադրում է ալկոհոլի և ծխախոտի բոլոր միջանկյալ շարժերի մասին տեղեկացնել ՊԵԿ-ին

«Որոշման նպատակն է կայացնել ենթաաքցիզային ապրանքների ստվերի դեմ պայքարի այս գործիքը, քանի որ ներկայում գործում է իրավիճակ, երբ ՊԵԿ-ը շղթայի սկզբում ու վերջում է ֆիքսում ապրանքների առկայությունը, մեկը ներմուծողի ու արտադրողի, իսկ մյոսը՝ սպառողի մոտ»,-կառավարության նիստում ասաց Պետական եկամուտների կոմիտեի նախագահ Էդուարդ Հակոբյանը։

Նա զեկուցեց Հսկիչ (նույնականացման) նշաններով պարտադիր դրոշմավորման ենթակա՝ դրոշմավորված ապրանքների մատակարարման դեպքում հսկիչ (նույնականացման) նշանների և դրանց քանակի վերաբերյալ տեղեկությունը հաշվարկային փաստաթղթում ներառելու դեպքերը, կարգը և ժամկետները սահմանելու մասին որոշումը։

«Որպեսզի ամբողջ շարժը և ստվերն ավելի վերահսկելի դարձնենք, այս տարի որոշումը լրացրեցինք այդ ենթաաքցիզային ապրանքները փուլային տարբերակով ներդնելու ճանապարհով գնալ»,-ասաց ՊԵԿ նախարարը։

Հակոբյանը նշեց, որ քննարկվող որոշումը ինվոյսներում կամ հաշվարկային փաստաթղթերում QR-ների կամ նույնականացման միջոցների արտացոլմանը, այսինքը ցանկացած տնտեսվարող, երբ մեկ այլ կազմակերպության հաշիվ է դուրս գրում, այդ շարժի ընթացքում այդ տեղեկատվության փոխանցման մասին է, որը ՊԵԿ-ին հնարավորություն կտա հետևել այդ ապրանքների ընթացքին։ Նրա նշեց, որ խոսքը հիմնականում վերաբերում է երկու ապրանքախմբի՝ ալկոհոլին և ծխախոտին։

 ՊԵԿ նախագահը հայտնեց, որ 2026 թվականի հունվարի 1-ից այս որոշումով նախատեսվում է  հաստատենլ, որ տնտեսվարողներն այդ տեղեկատվությունն արտացոլել են հաշվարկային փաստաթղթերում, և նախատեսում են նախ այդ կարգավորումը կայացնել վերոնշյալ երկու խումբ ապրանքների վրա՝ հետագայում մյուսների վրա տարածելու հեռանկարով։

«Հսկիչ նշանները հաշվարկային փաստաթղթերին կցելու և բջջային տարբերակով է արվելու այն, երբ հսկիչ նշանները սկանավորվում են և կցվում հաշվարկային փաստաթղթերին»,-ասաց Հակոբյանը։

 Նա հայտնեց, որ ծրագրային ապահովումը մինչև հունվարի 1-ը հասանելի է։

ՊԵԿ նախագահը հայտարարեց, թե շատ չեն ծանրաբեռնում տնտեսվարողին, քանի որ եթե մի ընկերությունը դուրս է գրում ապրանքը, ապա ընդունող տնտեսվարողն արդեն կարող է հաշվետվություն չներկայացնի, որ ստացել է, այն ինքնաշխատ եղանակով ՊԵԿ-ում ամրագրվում է։