Հակամարտության սառեցումը կարող է օգնել Ուկրաինային վերականգնել իր տարածքները․ Telegraph

Բրիտանական The Telegraph թերթը գրում է, որ հակամարտության ժամանակավոր դադարեցումը կբարելավի Ուկրաինայի հնարավորությունները՝ ապագայում վերականգնելու կորցրած տարածքները։

«Այս պահին Ուկրաինայի համար, երբ ԱՄՆ-ն և Եվրոպան պատրաստ չեն տրամադրել մարտադաշտում հաղթանակի համար անհրաժեշտ ուժերը, ամենաքիչ վատ տարբերակը թվում է ռազմական գործողությունների կառավարվող սառեցումը, որը կպահպանի Ուկրաինայի իրավական պահանջները, և ժամանակ կշահեն», -գրում է Telegraph-ը։

«Անվանեք դա «կորեական» սառեցում՝ «գերմանական» ավարտով. դադար, որը մերժում է գողացված տարածքների դե յուրե ճանաչումը, ապահովում է հուսալի անվտանգության երաշխիքներ հիմա և ներդրում է կատարում Ուկրաինայի օկուպացիան վերջնականապես չեղարկելու կարողության մեջ։ Դա կապիտուլյացիա չէր լինի, այլ ռազմավարական ժամանակի շահել», - ասվում է հոդվածում։