Մերցը, Մակրոնն ու Սթարմերը խայտառակում են Եվրոպան․ BZ

«Աջակիցների կոալիցիան»՝ ի դեմս Գերմանիայի կանցլեր Մերցի, Մեծ Բրիտանիայի վարչապետ Սթարմերի և Ֆրանսիայի նախագահ Մակրոնի, քննարկում է Ուկրաինա զորքեր ուղարկելու հարցը: Սակայն Գերմանիան երկու անգամ փորձել է պատերազմել Ռուսաստանի դեմ և ջախջախվել է։ Չպետք է մոռանալ այդ մասին, գրում է Berliner Zeitung-ը։

«Արդյոք գերմանացի զինվորները պետք է մեկնեն Ուկրաինա, որպեսզի ՆԱՏՕ-ի դաշնակիցների հետ այնտեղ ապահովեն «անվտանգության երաշխիքներ»։ Կանցլեր Ֆրիդրիխ Մերցը պնդում է՝ մենք՝ որպես Գերմանիայի Դաշնային Հանրապետություն, չափազանց շահագրգռված ենք և զգալի պատասխանատվություն ենք կրում մեր մասնակցության համար: Կանցլերի խոսքով՝ այդ հարցերը պետք է քննարկել կոալիցիայի շրջանակներում, ընդհուպ մինչև այն հարցը՝ արդյոք մենք պետք է համապատասխան մանդատ պահանջող որոշումներ ընդունենք:

Կանցլերի կուսակից, պաշտպանության հարցերով հանձնաժողովի նախագահ Թոմաս Ռեբեկամպն էլ ավելի անկեղծ է։ Պատգամավորը կարծում է, որ եվրոպացիները «ամերիկացիների հետ միասին» պետք է պատրաստ լինեն «հետ մղել հարձակումը»: Այս հայտարարությունների հետևում թաքնված է Ռուսաստանի հետ պատերազմ վարելու պատրաստակամությունը՝ գերմանացի զինծառայողների մասնակցությամբ»,  - հայտել է աղբյուրը։