Իսրայելը ներկայացրել է մարտական ​​«Աքաղաղին»՝ իր զինամթերքով

Իսրայելական պաշտպանական Robotican ընկերությունը ներկայացրել է իր Rooster հիբրիդային անօդաչու թռչող սարքի զինված տարբերակը (Rooster-ը անգլերենից թարգմանաբար նշանակում է «աքաղաղ» – խմբ․), որը ստացել է «մարտական դրոն-վանդակ» մականունը։ Այն հագեցած է բարձր ճշգրտության մարտական ​​համակարգով և նախատեսված է սահմանափակ քաղաքային միջավայրերում և ստորգետնյա պայմաններում առաջադրանքներ կատարելու համար, հաղորդում է Interesting Engineering-ը։

Robotican-ը Rooster անվանումը վերծանում է՝ որպես «Ռոբոտային հսկողության համակարգ մարտավարական փոխազդեցության և հետախուզության համար»։ Նախկինում Rooster-ը հիմնականում օգտագործվել է՝ որպես հետախուզական հարթակ։ Այժմ, 300 գրամանոց մարտագլխիկի ավելացման շնորհիվ, այն կարող է գործել՝ որպես թափառող զինամթերք, որը կարող է ճշգրիտ հարվածներ հասցնել շենքերի, թունելների և այլ դժվարամատչելի վայրերի ներսում, որոնք նախկինում անհասանելի էին համարվում անօդաչու թռչող սարքերի համար։

«Զինված Rooster-ի միջոցով մենք ճշգրտություն և ինքնավարություն ենք բերում այն ​​միջավայրերին, որոնք նախկինում փակ էին թափառող զինամթերքի համար», - ասել է Robotican-ի գործադիր տնօրեն Հագայ Բալշայը։

«Զորքերը այժմ կարող են ճշգրիտ հարվածներ հասցնել կառույցների ներսում՝ օգտագործելով կոմպակտ, խելացի հարթակ, որը նվազագույնի է հասցնում օպերատորների և շրջակայքում գտնվող քաղաքացիական անձանց համար ռիսկը»։